في هالزمن .. أقرب حبايبك .. يشقيك .. - :: منتديات شبكة عمان الاصالة . نت ® اسرتك على النت ::

الادمرال · 02-08-2010, 04:20 PM

يا بحر .. فيني من الحزن .. كثر ما فيك ..
من حزن .. وأوجاع .. وغياب .. وغرايب !!

لا تلومني إذا شفتني .. دايم أجيك ..
ولا شفتني دايم .. على الشط .. ذايب !!

حزني كبير .. أكبر من حدود .. شاطيك ..
وأقسى من جروح الزمان .. العطايب !!

وإن كان تنشدني فأنا .. مقدر أخفيك ..
دايم أظن .. ويطلع .. الظن .. خايب !!

في هالزمن .. أقرب حبايبك .. يشقيك ..
ألين تدفع في غلاه .. الضرايب !!

من بعد هذا .. يبتعد .. عنك .. ويجفيك ..
ماكنه .. بجنبك .. قضى الوقت .. طايب !!

وإلا .. الخوي اللي توقعت .. يفديك ..
يفديك عمره .. لا غدت بك .. نشايب !!

صد .. وتصدد .. ما يبي .. سمع .. طاريك ..
وياما .. أنت .. دونه .. أتعبتك .. الطلايب !!

لا تقول لي .. بدري .. وتوك .. ويمديك ..
وتعال .. وأسمع باقي الهرج .. صايب !!

خلك بحالك .. وأطلب الرب .. يهديك ..
ولا تنشد اللي غاب .. وين أنت .. غايب !!

وإن شفتني غايب .. عن حدود .. شاطيك ..
أعرف تراني .. تحت .. ذيك .. النصايب !!

وأعرف تراني .. دايم إن ضقت .. بآجيك ..
لأني .. أنا .. والموج .. صرنا ..حبــايب

√الـجُـمـان㋡ · 02-08-2010, 04:23 PM

ولا تنشد اللي غاب .. وين أنت .. غايب !!

جت فوقتها والله

ربي يحرسك اخوي

وماشين مع الدنيا والمطاف مدري وين نهايته !

ابن الرستاق · 02-08-2010, 04:45 PM

كلمات رائعه تسلم ادمرال ع القصيد الطيب

وبشر الصابرين · 02-09-2010, 12:26 AM

صح لســــانك ولسان من قاله ..

قصيده رائعه >>عساك عالقووه ..

همسة ملاك · 02-09-2010, 10:07 PM

ي هالزمن .. أقرب حبايبك .. يشقيك ..
ألين تدفع في غلاه .. الضرايب !!

تسلم اخوي ادمرال ع الكلمات الجميله

أنشودة وطن · 02-10-2010, 09:03 AM

كلمات روعه أخوي ،، وف هالزمن كل شي يصير !!

عيون الغلا · 02-10-2010, 03:12 PM

كلماااات حلووو اخوووي
تسلم على النقل الجميل

ابراهيمو · 02-10-2010, 03:24 PM

تسلم الادمرال ع القصيده الرائعه الشكر

ديجي عمان · 02-11-2010, 05:03 AM

عمان الاصالة,شبكة عمان الاصالة,منتديات عمان الاصالة,توبيكات عمان,يوتيوب عمان,دليل مواقع عمان الاصالة

تسلم براذر علي القائد الحلوة من ايدك العسل

الادمرال · 02-16-2010, 12:14 AM

المشاركة الأصلية كتبت بواسطة » جمانة

جت فوقتها والله

ربي يحرسك اخوي

وماشين مع الدنيا والمطاف مدري وين نهايته !

تسلمين خيتووووو
واشكرك ع المرور الجميل