يمـــه ضميني لصدرك ثمانين ضمه !! - :: منتديات شبكة عمان الاصالة . نت ® اسرتك على النت ::

أنشودة وطن · 02-22-2009, 01:53 PM

يمه عساني ما أزعجتـك يـا يمـه..
أحس في صدري عـذاب وحريقـه ..

يضمني حزني وأنا حيـل أضمـه ..
كنه ضناي وشوفته شـوف ضيقـه ..

يمه وأنـا بنتـك وإذا قلـت يمـه ..
شوفي لحزنـي والمواجـع طريقـه ..

ضميني لصـدرك ثمانيـن ضمـه ..
ضمة عشيـق ٍ مايفـارق عشيقـه ..

وكانك سألتي خاطري ويش همـه ..
بعلمـك وأبـي جـواب الحقيـقـه ..

ليه الزمن اليـوم مافيـه ذمـه؟!!
وليه الطعون اللي بظهري عميقه ؟!!

وليه الولد يبوق في بنت عمه ؟!!
وليه الرفيق يخون عشرة رفيقه ؟!!

وليه أنخدع في ناس كانت مهمه ؟!!
ويوم أكتشفها وهم ماله حقيقـه ؟!!

وليه الذي وقت الرخـا كـان قمـه ..
و وقت الشدايد مالقينا طريقـه ؟!!

وليه الحسد يمي من عيون عمه ؟!!
وليه الخطا لو قلت كلمة رقيقـه ؟!!

أزيـد يمـه ولا كافـي مغمـه ؟!!
أشوف عينك مـن هماهـا غريقـه ..

يمـه دخيلـك آسـفـة آآآآآآآآآآآآآآه يـمـه ..
كنـي جرحتـك وأنـتـي أغــلا رفيقه ..

مما راق لــي

ديجي عمان · 02-22-2009, 01:58 PM

عمان الاصالة,شبكة عمان الاصالة,منتديات عمان الاصالة,توبيكات عمان,يوتيوب عمان,دليل مواقع عمان الاصالة

عمتي شوفيكي عسي ماشر !!!

وليه الرفيق يخون عشرة رفيقه ؟!!

الوله الخجول · 02-22-2009, 02:51 PM

كلمات قمة في الروعة
تسلمين خيتوووو

أنشودة وطن · 02-22-2009, 02:56 PM

وش فيك عمــي تراه شعر ومنقول بعد
يسلموو ع المرور

ديجي عمان · 02-22-2009, 03:08 PM

اها ماشي والله بس لازم اتطمن علي اولادي خخخ

أنشودة وطن · 02-22-2009, 03:11 PM

يسلمــوا خيتــو وردة ع المــرور الطيب ..كل الشكر

√الـجُـمـان㋡ · 10-09-2009, 03:51 PM

وليه الولد يبوق في بنت عمه ؟!!
وليه الرفيق يخون عشرة رفيقه ؟!!

الله الله بصرآحه كلمات جيآشه اختي الكريمه ..

بارك الله فيك .. أحسنتي الاختيار
لكِ من القلبِ تحيه

أنشودة وطن · 10-10-2009, 09:57 AM

المشاركة الأصلية كتبت بواسطة » جمانة

الله الله بصرآحه كلمات جيآشه اختي الكريمه ..

بارك الله فيك .. أحسنتي الاختيار
لكِ من القلبِ تحيه

تسلمي جمانه ع ذوقك ،، ربي يبارك فيك